Hetta ıka zafin tur vat, biy tu çin mar keyf u heyat
Çoy nidi zêy tu yo welat, welat çıra tu ğemgini
İnson tur zaf kefêyn deşti, xırab verdı holiz êsti
Zonayê tu pêriz kışti, welat çıra tu ğemgini
Sitêm şari tım ho ma ser, kêl mı omı hay don tever
Piyl ma bêrd şi çina xeber, welat çıra tu ğemgini
İnson serhêd kotıv şini, her kes tersen tu biv çini
Tu ser bermê comêrd cini, welat çıra tu ğemgini
Êr bi ğemgini gêl ma temom, pêrin şawut tu ser sılom
Bengi tu ser von ıstêron, welat çıra tu ğemgini
Zê tu çinev mon erebon’d, ni ruejvetış ni ruejawun’d
Tu ra tersên yı pêr timond, welat çıra tu ğemgini
Pêy tu biy şah şar her terêf, tu biy tarix zê Hesenkêyf
Ma’r nimendu şahiy u kêyf, welat çıra tu ğemgini
Wurzwe tu mır derdon xu vaj, tura gurêyt yin text u taj
Tur ni verdê kênêy u laj, welat çıra tu ğemgini
Sarı xu bia zoni mı sern, ez tur vona hol guêş xu sern
Ez guynena tu’z xur bıverm, welat çıra tu ğemgini
Tu biy ma şu ser lewono, yubinı’r vaj kul derdono
Gêl ma hımoz xu nizono, welat çıra tu ğemgini
Serhedo! Tu hay pır guli, merdim tu şi mênd xırxali
Ni mênşê mend niz ğezali, welat çıra tu ğemgini
Agri! Çıra mıj dumoni, nizdê tud kot Ehmed Xani
Tuwo wu pia mar nişoni, welat çıra tu ğemgini
Sipono! Tu gıroni, remê kot bext tu dı coni
Xej u Siamed tud biy foni, welat çıra tu ğemgini
Cudiyo! Dayê Rehmani, tu qav Nuh pênê tufani
Nomê tu kot mon Qurani, welat çıra tu ğemgini
Şerevdino! Tu pêr vaşi, tud çerên beron qerqaşi
Tu don ma êgminêk şafi, welat çıra tu ğemgini
Hezargolo! Çend delali, ser tura êst kar ğezali
Tud vêjên aw zaf zelali, welat çıra tu ğemgini
Amedo! Tu çı zaf royin, der u dor tu sur kerêyin
Tu ser ma biy wuhar bırin, welat çıra tu ğemgini
Muş o Bêtlis! Çend şirin ca, mela u şeyx şıma hay ça
Zê Nursi wend tud sêydon ma, welat çıra tu ğemgini
Ez tım vona tu şirini, zaf delalu ğem revini
Biê dêst mı biyr ma remêni, welat çıra tu ğemgini
Kul ğêm dina pêr hay tu ser, kom resa tu kaş kêrd xu ver
Tu dêrd dinayı seraser, welat çıra tu ğemgini
Pêrık deşti pêrik çêmi, vaşu dar tu lêmi lêmi
Seraser tu şari’r ğêmi, welat çıra tu ğemgini
Hesir tu biy Diclew Fırat, pê yın jin kerd Musıl Beğdat
Kom yın nişım ben biê heyat, welat çıra tu ğemgini
Tu zaf rındi zaf delali, dêst u ling tu pêr xelxali
İnson tu şi pêr bi zali, welat çıra tu ğemgini
Qısmêk yın zaf bin on kuarı, verên zê rêyon biê barı
Ni yên gazi ni hewarı, welat çıra tu ğemgini
Dor tu pêrın gew gureta, her yoy ver xu do yo heta
Pêrın tura bar gureta, welat çıra tu ğemgini
Tiki von ma mısulmoni, perêk von ma zaf insoni
Yı rehmet ra biê gumoni, welat çıra tu ğemgini
Tiki yın dost tiki dışmên, hay yo binona çımon ken
Hişarven yi in mêndiz bên, çıra tu ğemgini
Ez hım vona hım bermena, dêst mı biyrên ez ğêmena
Şewon ruejon tım nalena, welat çıra tu ğemgini
Hınd biy çetin dünyad mendış, hol o xırav pia yên setış
Hına ercon tu nên ruetış, welat çıra tu ğemgini
Welat hay ça mierdê verin, yınır ita niybıv şirin
Warverda şi dinya zêrrin, welat çıra tu ğemgini
Xelasi wa her kes bıwaz, ma hınd vat mar nimend awaz
Ço mar nibu çırê xêrxwaz, welat çıra tu ğemgini
Tu zi zê warmendê mali, tu şılnê kêrd xıp u xali
Zeg tu newu bi nomali, welat çıra tu ğemgini
Tu bi ğemgin welat çıra, dost u dışmên pêr bi tiyera
Emon Homê min tu sera, welat çıra tu ğemgini
