Sêr sereyi mı dı en eşq çınawu ?
Ge mı kaş kenu dêre, ge pûtxane, ge mêscıd
Nêzono mêscıd çınawu ? dêre u pûtxane çınawu ?
Ez aqılo, cahilo, mu'mino yan zi kafıro ?
Mı nêzona, zonaye çınawu ? Nêzonaye çınawu ?
Zahıd u mıfti u şêx u şah, zohd u fısq çınawu ?
Nur u zolmet, xêr u şer, rınd u xırab çınawu ?
Eşq ez mecnun kerdo, verda deşt u çolo
Mı nêzona mecnun komu, Leyla koma, çol çınawu ?
Vılı dı boya tezeyi çınaya ? bılbılı dı wendışı weş çınawu ?
Mı nêzona zerr çınaya ? ena zerrı dı şaşone çınawu ?
Ey! Ayik mı xeleqnawu, haware u imdat mı bıker
Neçar mendo, ena dınya çınaya ? Uqba çınaya ?
Rocı dı seray bıbo kafır, serayi zı nıyazi xo wazeno
Mı nêzona kı, kıfır u bawer; ge "ê" wu, ge "ney" wu
Ge en fir'ewn nefs, mı tora dûr finenu,
Mı nêzona fir'ewn kom ? Musa kom ?
Mûnecaat kerdini mı, Tur-i sina dı bı xalıq xora
Fêm nêkerd mı, e'sa çınaya ? Yed-i beyza çınawu ?
Ge hiş, zor nefs benu vonu; ey! Nefsi şûm
Bê ena şaşoneyi mekerı, en waştışu bica çınawu ?
Yew şew bı en fıkr kewto ra, mı va; ya zûlcelal!
Tı bınawi mı, vino me'na çınaya ? Sûret çınawu ?
Ay dem ğeyb ra diya cıwab
Va ey biğiret; en fıkr beyhûde dı akerda çınawu ? Gırewte çınawu ?
Dılberey ! Leyla hendeyi to mêst ya çinu
Qeys, miyon alemi dı qas mı divone niyu
Raşta, eyr şohret zaf rındo estu
Yewdey hinizi qasey to dûrdane ni
Heme zerr, veri eşq to dı bena virone
Qet ğem meker ena zerr hama nêbiya virone
Ser sereyi to dı adır wekeno, soz xo inkar meker
Komı kı soz xo inkar bıkeru, ey mert niyu
Her komı kı dı, dıriyeyi bıbu, reyeri meyxone niyu
Çımı kı, meyxone, cayi zûr u zem u dıriyeyi niyu
Goş bıdin mı, en vate meerzini
En vate heq u ustonık niyu...
