ma qesi nékerdéne kherr u lal vındete
qesi ke bıkeme tılsım xerepino,heni zanıte
eşq, çekuyan ra xelé khan bi, hebe raştıki
ma şiyayoxé raya eşqi bime,çıxa ke névateki
ma heskerdéne,labelé zoné sewda rınd nézanıte
ju qaytkerdişé dilbere ma xo ra viyarnéne
wa lazım niyo, hewn de bımanime, xeyélan de
no tılsım mexerepiyo, vındero bırındekiye
heskerdiş, hebe çena dest kerd cı zanenime
ma tayine ra heskerd,cı ra néva,heni zerré xo de
tayine rolé de xırab gureti bi, zerreyé kayi de
forqi, lorgozi u xapxapoki bi, musayime
tılsım xerepiyo vengé xo meke
heskerdiş, xori qaytkerdişé çımano ge-gane
sewda çımé terazi de néna sentene
gıraniya xo parekerdena, bızane
