Vengê roştiya çımune pirıka mı Ana Raziye ra lacê mı Munzuri rê...
Va
No vengê kamio, nia koun ra yêno
Ne emnon vêreno, ne zımıston
No vengê bêkêsu, xo ve xo qesey keno!
Şüye
Düri ra yêna, qefeliya
Haqbê xo rone, serê xo ki ser’ de
Emnono, gêrmo, araq da
Lerze mekê na rae nêqedina
Ağwe
Zelala, Çımê Munzuria
Vengê koun, sermê têsanu
Tengiye ra nêtersena
Raa xora sona,
Raa zerrria xora
Yêni
Vace bêkêsê mı vace
Kam ame, kam şi
Kam’ dest-riyê xo şüt’,
Kam’ dırvetê xo!
Sanıke
Merdene esta, mendene esta,
Pirika to va, khalıkê to va
Zurr mekê, metıre, xo bızone,
Wayirê xora meherediye
Heşi hesna, vergi hesna, lüye hesna
tı biya khêr, qe gos nêda
nıka ki çı pers kena
“phepo, khêko, ez kamu, ez kamu”
