Çonday hozar serra maqa insano
Çıqa ke kes nae rınd nézano
Tarixo khalo kokım niya vano
Zolım, qa zé ho pıro niadano
Qa zomané, ve ho gureto name
İlim u irfan vano; ma ki vame
Pé sunık, senat, sanık u kılame
Ma namé kami hata nıka ame
Goré çéréniya ho name biyo
Ya goré kar u hunero ke diyo
Çiyé saynébiyo, béhuner viyo
Xanedan tım cıré wahir véjiyo
Zomané qe nébiyo yé geveşi
Çıqa ke peyderpéy yé her keşi
Verde çér bi wahiré namé weşi
Nıka name ra remené tereşi
Eke biyo insan ho bélü kerdo
Çıqa ke piya cando, piya werdo
Ora nat qe kes béname némerdo
Seo békes ki béname néverdo
Qe bıné kemere, qe bıné dare
Cayé her kesi, cıré çé u ware
Çé ho de nami sero kuno hare
Bénamé ho, wahir é axuzare
Çé o béname sari ré méreso
Wesawes ke méreso qa tereso
Na dewré ma de vané bé adreso
Va, yaxo ju a é bini mereso
Wayiré nameyi, wayiré anuro
Namé pi u khalıki qa qururo
Mordem saymeke, eke heramxuro
Heramxur namé khalıki ra duro
Xanedan qa tım namé ho zoneno
Kam ke namé hora qa sermaeno
Ma u piyé ho ra ki ar nékeno
Xızani de coru mobet nébeno
Namé ho nino domanuné hora
Huréndiya baqıli namé hora cora
Béname mevo kes na der u dora
Bénamu fekra qa tım xırave vora
Dem u tawxo ke mavénra vérdo ra
Namé pi u khalıki, no ve hora
Bé esl u nesli biyaene zora
Bénaméni qomi ré har u mora
Béname, béma u bépi saybiyo
Çé keş de cıra xeveri nédiyo
Eve name wahiré khalıkiyo
Bé zon u béname qom çié niyo
Çıqa ke seré pelga ğeyaliyo
Qa pé zoné ho pıra name biyo
Torné Thuji ke horé mordem diyo
Bızoné ke hemeg héçe néşiyo
*-*
Xızan: insani değerlerden mahrum, açgözlü
-*-
Qomo ke vérdo ve name u zoné hora
Yé déyi germénia mılawun u mora
