Babaé mı,
Öyro tam phonc serriyo to ma ra bıriyay-ya şiyay
héni béwaxt...
Axx babaé mı, dırbetia to mı vir ra néşiye,
nésona ki...
Rocé nébi ke,xo vir ra bıkéri...
No, mı ré biyo derdo gıran...
Veré çımané ma de qemisé to bi
Ma héfé to négırot babaé mı...
Axx babaé mı,
Hegaé ma béwayiré,
Çeperré ma kuli berdé vésné..
Babaé mı,
bané ma gıné pıro
dar u beré ma biyo husk..
Ma emegé to ré wayiriye nékerde babaé mı,
Wayir né véciyayme babaé mı.
Gumané mı,
Sodıra mal u mılké to ré ki wayir névécinime.
Ma ra to ré xér çino
Namé to ré,cédé to ré,pirbabé to ré...
Sebeno! Oncia urce peyser bé ,to wayir véci...
Babaé mı,
Çé ma zé xani bi
Pesew u peroc akerde bi çéberé ma
dost u dısmeni ré ...
Nıka inam bıke kes ma sero
çeber nékeno-ya babaé mı...
To zaf kutay ma véri baba!
Ya to bé, ya fınde ez ki béri lé to,
Ez daha zéde néşkino bonci
ni derdi ni qeremeti...
-----------
öyro: ewro, na roce. (Zazakiyé Xozati de,huréndiya vengé -ew- de –öy- vacino.Mesela hewn=höyn, hewri=höyri, newe=nöyi, khewe=khöyi...)
sodıra: méşti/meste,sorra
qeremet: ejat(eziyet),stam
qemis biyayis: Na noğde/çhekuye Tırki ra yena:kıymak,canına kıymak
kuli: pêro, pêro piya
inam kerdene : bawer kerdene