bıdeka to benê / faruk iremet

Tora pers kena
"-Qandê şarê xü
ewro
to sekerd?"

Êy kı waştê
siyayeyda şanan
Zazayan sera hewadê
tijiyê roşın
bı tarixê Zazayana
warey biyarê
gürweyay...
Xüra perskı
"-Mı sekerd?"

Guniya to
şardê tora şirin niyo
rıhê to
şardê tora qıymet niyo
ez zana
tı do vacê;
"-Mırê çı."

Dor dorê to bo
siley u şepıki
hümbıki to kewê
zınciri siyay to mıl dı
bıberqê
tı do fına vacê!
"-Mırê çı."

Êyê kı vêyndanê to,
azmin dı
tiji u roşnayey
welatê do serbest wazenê..
Tı şenê vacê;
"-Mırê çı,
ez riyê xü dı roşnayey
u rıhê xü dı
serbestey nêwazena?"
Xü ercan meroşı
bıdeka to benê.

Tı zanê
torê sevacê?
Torê vacê;
"-Semer dayo xü mıl
bı zıncirana tızbey anceno
merdımo bê aqıl
u zerencê qefesi."

Guniya to
şarê tora şirin niyo...
Tı muhatabê héme çi niyê
Xü bızanı wa şar zi to bızano
qaqıbê zerencê qefesi