Rozê Yena / Hawar Tornêcengi

Tiji ke şiye kou serde,
Ağwa çemê Munzuri 
serd xurena.
Mirçıki fırrdanê gılê daru ra
Asmên hewz u kesko.


Roz beno ke, tıng u tariyo
Roz beno ke, endi 
fêjir erzeno
Sodırê sıperdiyo. 

Vore her ca gureto,
Ra u wolaği cêriyê. 
Tavat ro mıleti bıriyo,
mız u zılametiyo.


Roz beno ke; 
hewno xori ra hêsar beme
Veng yeno, vengo de bariyo...!
Cêni bervenê
domani çikenê
Panayisê zalımu ra.

Rozê yena;
usaro, 
ray biyê ra,
Gul u sosıni 
biyê têra.
Her ca khulılliko,
laşerê usari qılaiyo ra.


Rozê ki yena;
mêşi bars derê
Hêmgên danê 
pêtagu ra.


Dêrsım, 16.10. '85
Tohum Amor 11, Marte-Nisane 1988