zê roca payızi zê varısê amnani ama şi omrê tu
qı kêmi nêbiyê iştiriyanê to ra xesreta to oca ra
vana ke daa bıvêso welêbıro bêqediro nu welat
eke mano bewayır bıberbe serba bêbextiya mı
piyê mı tu oca de zê jü koi merdayna xo bıpine
kırmanciya xo bıpine ha gola dersimia bêwayıre
warê xo bıpine verê koi de hega u marabayna xo
xo vira meke tu anca koê muzır ra xızırê xo bıpine
veng u vac çino ke bıberbe serba bêbextiya mı
piyê mı tu oca de zê jü koi merdayna xo bıpine
tu zê tikma reze tu zê koê berzi bıpine oca de
milçıkanê bırr bıpine cemê xo mezela khalıkê xo
eke rıznaa serê sıma çê xo çê ciranê xo bıpine
vılê xo çewt meke zerre menci serba bêbextiya mı
piyê mı tu oca de zê jü koi merdayna xo bıpine
----------------------------------------------------
*zerre menci: zerrê meonce (iç çekme !)
*iştiri: hêstiri (göz yaşları)
