şewe xo qesi kena mı rê / ali himmet dağ

şewe xo qesi kena mı rê.
tı vana: qelbê xo kena ya mı rê, jü sosıne
destê mı cêna, çarnena kuncıkanê na dina ra;
xırabê zerrê xo musnena mı.

tı vana, çı rengo, qelbê jü sosıne ?

tarixê jü qomi biyo vindi, aynê tari de
namey nama de biyê vindi, serri serra de
ray raa de biyê vindi, rêçi dırba de
jü çhem xeneqiyo zerrê awa xo de

ax! tı vana, ez çıra nia xêğo
zê bumerangi cêrenê mı ser, qaytkerdenê mı
zê puki vay dinê, ğeyali mı ser de
lilıkê mı hurdiyê cemediê
lete leteo, rüyê mı

mı rê zaf gıran êna, na şahidiye
xo onceno bınê pelanê destanê xo
zaniyê mı zerrê verê mı de
zê perranê theyranê şiliye rıcıfino
ê barê maê! mı bıde we