merdene éna mı viri
emré mı beno emré ju perperiki
teynabune éna mı viri
ma(y)a mı êna mı viri
bena meymané hewnané mı
poré mı de dı desti cérené
seredejané mı vındeno
çımé mı seré ju ini de
ju kalé sipeyi vinené
ez néwazen desté ma(y)a mı
vindi bé xeyélané mı de
ez békes manen
teyna manen
béçare manen
serran ra nat
roj vejino, roj şono xo ra
mın o teynabuna xo manénime piya
ne desté ma(y)a mı zeréyé poré mı de
ne ki zeréyé lapa mı de araq maneno
ez zé çuçiké(milçiké) de béperr a
néşkin fırr bıdi
çımané mı de mıjé şewan
zerreyé mı de domani kay kené
kayé domanan hesir maneno her tım
seré koyan de lete beno huyayişé inan
heya heya kuli bené zuri
se ke lınga ma qet negına
né hardé dewréşi ra
zuzaqi kuli şahidé ma bi
hona ke çeqeré eylule nédabi ma ra
şıliye bıvaro
desté ma(y)a mı çareyé mı de bo
demé veri
xıj bené çımané mı ver de
Xızıro Khal vecino zerreyé ju şewé de
şıliye vındena ma benime lal
laltina ma sırota şewe de manena
ruyé ma beno qutiyé de şikiyayiye
çımé şewe de
der u dormeyé ma cehenem
adır vareno
ma berbenime
çımé ma zé peskoviya ke birindar a
néşkina vazdo néçirvanan dest ra
béçare menda
çımé ma çımé ayé
ez qayité é resmané siya u sıpiyan
nébena reyêna
wa zeman
waxté variyayişé şıliye de bımano
wa dızdi bıbé
vazdé tariyé şewe de
astaran bıtıré asmén de
dermané mı desté ma(y)a mı bo
çaré mı de, sereyé mı de bo
lazım niyo
wa şodıré na şewe qet çin bo
ma o asméni heval bime
astare ki roştiya çımané ma bo
zuzaqi kuli şahidé ma bi
hona ke çeqeré eylule nédabi ma ra
şıliye bıvaro
desté ma(y)a mı çareyé mı de bo
demé veri
xıj bené çımané mı ver de
Xızıro Khal vecino zerreyé ju şewé de
şıliye vındena ma benime lal
laltina ma sırota şewe de manena
ruyé ma beno qutiyé de şikiyayiye
çımé şewe de
der u dormeyé ma cehenem
adır vareno
ma berbenime
çımé ma zé peskoviya ke birindar a
néşkina vazdo néçirvanan dest ra
béçare menda
çımé ma çımé ayé
ez qayité é resmané siya u sıpiyan
nébena reyêna
wa zeman
waxté variyayişé şıliye de bımano
wa dızdi bıbé
vazdé tariyé şewe de
astaran bıtıré asmén de
dermané mı desté ma(y)a mı bo
çaré mı de, sereyé mı de bo
lazım niyo
wa şodıré na şewe qet çin bo
ma o asméni heval bime
astare ki roştiya çımané ma bo
