Ez ju xezale biya / Akman Gedik

ez ju xezalé biya seré koyan de
ca u mekané mı
seré né koyan bi
vazdéne şiyéne a seré
améne u na seré
seré zinaré ra vindeté
maté vaşeyé mendéne
zerreyé qılaşé kemeri de se veciyo
çaré çino
ez gere bıresi é vaşi buri
zeré mı de heni verdéne ra
kırawi gına çımané mı ra
histiré mı zé şiliye
ko u deşti bi çuçiké (milçike) payizi
fırr dayi şi

rojé,
dı asıné serdıni
nayi peyé vıleyê mı ra
asın zé gayé de bori qorra
zerreyé mı de çiyé vısiya
royé mı onciya goni mı de biyé zuya
cané mı bi serdın ez merda şiya
vanê ke; merdena mı dımé aşmé névéciya
şewe biya dı leté şermayiya


ez ju xezala halé xo de biya
çımané mı de deşti
helmé mı de tiji véciyéne
wa heq pirnikané é goniwerané
néçirvanan ra biyaro
guna mı bıbo maré de siya
bıpılısiyo vilé inan ra


mı vayi ra waşt
teliyé kengeri ra
na merdena mı xo vira mékeré
zeraré mı kamiré bi hela vacé
no hard u asmen
çimané miné rındekan de şeqétiya şi

ju omıdé mı mend
na néheqiyé bero vatene
wa şanıkan de beno ki béro vatene
omıdé mı şımayé
insané zé insanan