Pejmurde mevinde henî
Ruyê mi beno çeqerê payîzî
Berbîşê to ke ame
Çimê mi şilî û şepelîya wisarî yê
Ti ke vileçewt, hermeşikîyayî bîya
Ez bêwayîr manena, bena wayîrê kul û derdan
Gonî şona zereyê mi ra bi hezaran
Ti ke berkenî bena
Adir û kile kewenê canê mi, her ca gul û gulîstan
Êyê ke vanê ma rindek îme, nîyadênê reyêna
Aşme wa cayê xo de vindero ti ke ti ya
Ez vajî xezal a, ti xezale nîya
Ti aşme bi xo ya, kêna şahê perîya
Mêmana zerrî ya, hevala wisarî ya
Ti sey kilama ke zereyê însanî letekerdenîya
Ez bîya budela, aqil mi sere ra vejîya
Çimê mi bî tarî, estareyê mi şeqitîya
Ti sey çûçika payîzî ya, senî ameya û şîya
Sey hewnanê şewe bîya, nêzana ma ti dîya nêdîya
