Verê çêberê piyê tu / Doğan Munzuroğlu

Verı çêberı piyê to dı dara khurı
Hequ na senı qeyda biye
Raşta mına hazar serrı biye zurı
Verı çêberı piyê to dı dara tüye
Par ni çağu Zerda mı omeda mı biye
Hequ ez çı welı xo ru kêri
Mı Zerda xu olağı çê Koşi dı diye

Verı çêberı piyê to dı çutê kemeri
Se benu Zerda mı vêciro olağı çêbêri
Hequ nu senı dêwranu
Zerda mı, mı rê biya zê sari

Verı çêberı piyê to dı paga aru
Piyê tüyê zalımi emser kemer-kuç varna mı ru
Haqu mıneta dı mı to ra esta
Asmı kı biye newiye Zerda mı vıranda mı dı bıru

Verı çêberı piyê to dı paga khanı
Phepug su verı çêberı piyê Zerdı dı bıwanı
Hequ nu senı zulımu
Sari rê kay-kelebuto, mı rê sewı biya jindanı