Koyi biyê ğezal / Doğan Munzuroğlu

Dar-u ber pur rısnenu
Çêbêri dinê ca
Verı ma zımıstanu
Mar-u mılowın roci rê dumoç sanura
Kam çı zanu, serrına kam wes manu
Halendia theyru biya thal
Lêyrı pêyni perray ra şi
Vaşi çinıti, kêrdi merekı
Koyi biyê zer
Çêu barê xo gurêtu

Koyi biyê ğezal
Roc ge vêcinu,
Ge benu vindi
Hêwri tertelı dê
Nızanı koti ru varnı
Qeda-u bela xu

Mı va koyi biyê ğezal
Çê dı jü mulxıtê biya zaf
Jü khoçıkê zaf cınina qabı ru
Gula dı binı biya ya
Helmu dı germu wertı bani dı

Vanı koyi biyê ğezal
Golalı gındêlkı gındır kena
Usar purusnena pıru, payız kena ya
Çekçeko perranı xo rê kunu ver
Mar pırênı xu serı hêrdi dı verdanu
Baxu ancinu bınê hêrdi
Hata usarı dê bini...